المسحراتي22| أشعار فؤاد حداد.. شعري اللي كان الحق

المسحراتي22| أشعار فؤاد حداد.. شعري اللي كان الحق تصوير: سمر شومان
كتب – فؤاد حداد
تصوير – سمر شومان

المسحراتي22

22- شعري اللي كان الحق

اصحى يا نايم

وحّد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحّد الرزاق

رمضان كريم

مســحـراتى بطبلتى مايل
مـنـقـراتى وسابق الشُعَرا
بالحق مش بالمال ولا الشهره
القلب طيب والحنان سايل
ويا مصر إنت العيله والأسره
ويا كل عود أخضر بيتخايل
تحت القمر أنا عاشق الخضره
جسمى الصغير إنما شايل
كل الاحبه فى مهجتى بقدره
على سته اكتوبر أنا القايل
طول السنين وانا كلمتى الحره
وجندى قلبه قبل إيده سلاح
وبنا بيعلى الحجر بجناح
وفى الشراقى والغرق فلاح
شعرى اللى كان الحق والبشرى
غنى الامل ومسح دموع الحزن
وخد الحبايب كلهم بالحضن
وصدق وصور لك يا ست الحسن
شاطر حسن طاير على المهره
يا أهل الأمان الليل جناين شوق
زى الحمامه الخضرا أم الطوق
بامشى على قدام وبابنى لفوق
وعلى النهاردا باطل من بكره
المشى طاب لى

والدق على طبلى

ناس كانوا قبلى

قالوا فى الأمثال:

“الرجل تدب مطرح ماتحب”

المسحراتي21| أشعار فؤاد حداد.. لازم أصحّي الحي

المسحراتي20| أشعار فؤاد حداد.. أميرة بنت السيد

المسحراتي19| أشعار فؤاد حداد.. قلب واحد

المسحراتي18| أشعار فؤاد حداد.. صنايعي دِقّى

المسحراتي17| أشعار فؤاد حداد.. حي المدامع والابتسام

المسحراتي16| أشعار فؤاد حداد.. والله زمان

المسحراتي15 | أشعار فؤاد حداد.. حاج راضي

المسحراتي14| أشعار فؤاد حداد.. نفس ترياق

المسحراتي13| أشعار فؤاد حداد.. قاعد يذاكر

المسحراتي12| أشعار فؤاد حداد.. ربيع الشام

المسحراتي11| أشعار فؤاد حداد.. النوبة يا أسمر

المسحراتي10| أشعار فؤاد حداد.. صاحب حسن ونعيمة

المسحراتي9| أشعار فؤاد حداد.. وردة ما بتدبلش

المسحراتي8| أشعار فؤاد حداد.. السيد البدوي

المسحراتي7| أشعار فؤاد حداد.. صورة تعدل صورة

المسحراتي6| أشعار فؤاد حداد.. كوبري إمبابة

المسحراتي5| أشعار فؤاد حداد.. يوم العمل يوم عيد

المسحراتي 4| أشعار فؤاد حداد.. تونس الخضرا

المسحراتي3| أشعار فؤاد حداد.. تعرفني من صوتي

المسحراتي2| أشعار فؤاد حداد.. الحق واجب

المسحراتي 1| أشعار فؤاد حداد.. تاج المدينة أبوزيد هلال

الوسوم