قصيدة : مابعرفش أحب   للشاعر وليد الجارحى

قصيدة : مابعرفش أحب   للشاعر وليد الجارحى

كل البنات اللي حبوني ماحبتهمش

كل البنات اللي حبوني وماحبتهمش

دلوقتي بيسقطوا فراشات نبيلة

علي جروح ف الروح قديمة خلتك ماتنمش

كل البنات حبوني علي عيوبي

واتذللو للملايكة ياجلوا ذنوبي

لعلي أتوب

وخدوني للسيدة الطاهرة لعلي أدوب

وإزاي أتوب من ذنوب وسببها محبوبي!

دلوقتي بيسقطوا فراشات

كل البنات اللي سموني كتاب الورد

كل البنات اللي بكت علي سبحتي ف الوِرد

وانفلقوا من العياط

سابوا مناديل ع البلاط معجونة بخضوع

كحل مبلول بالدموع

ريحة شياط ف القلب من علي بعد

كل البنات اتسندوا علي وعد

واتدحرجوا ف قلبي واتسندوا علي بعض

وبيكتبوا ف قلبي لذكري حبيب ضل

الحب ضد الفقد

ضد البرد

ضد البعد

وأنا اللي ضدي

أنا الوحيد اللي ضدي !

وبتمسح ف طهر الورد.

 

وليد الجارحي، من مواليد 74 الفيوم، شاعر عامية وكاتب ساخر . عمل في عدة صحف . سكرتير تحرير تنفيذي لجريدة الجمعة ، صدر له كتاب ساخر عام 2011 .. وله عدة دواوين تحت الطبع منها “سما للفراشة وحزن للوردة” .. “بعرف أشوف الموسيقي” . يعمل كمقدم برامج في قناة صوت العرب الفضائية.. برنامج بانوراما .

الوسوم