أصل الحكاية| تاريخ ارتباط الكنافة والقطايف برمضان

أصل الحكاية| تاريخ ارتباط الكنافة والقطايف برمضان

 

الكنافة والقطايف، بيكونوا نجم شباك أول في مبيعات محلات الحلويات في رمضان، طعمهم مميز وكمان بيعوضوا السكريات اللي بيفقدها الجسم خلال فترة الصيام.

في روايات كتير عن بداية ظهور الكنافة، منهم رواية بتقول إن أهل الشام هم أول ناس اخترعوها، وقدموها مخصوص لمعاوية بن أبي سفيان، أول خلفاء الدولة الأموية.

كمان يقال إن معاوية هو أول عربي صنع الكنافة، وارتبط اسمها بيه وأطلقوا عليها “كنافة معاوية”.

أما الرواية التانية واللي بيحكيها أساتذة تاريخ إسلامي، بتقول إن الكنافة ظهرت في العصر الفاطمي، وإن المصريين هم أول ناس عرفوها قبل الشام.

كمان القطايف ليها قصة تاريخية، وفي رأيين عن أصل تسميتها، بعض المؤرخين بيقولوا إن علشان ملمسها قريب من قماش القطيفة، وبعضهم بيقول إن في العصر المملوكي كان في منافسة بين صناع الكنافة والقطايف، وكانوا بيقدومها على شكل فطيرة محشية بالمكسرات، وكان بيتسابق عليها الناس وبيخطفوها أو بيقطفوها.

سلسلة حلقات يعدها الباحث: سيف العراقي

وتقدمها: مي الكناني

تصوير: محمود عبدالمنعم

الوسوم